شماره ۶
هامسهران نهسهب ... هامسهران نهسهب
هامسهران نهسهب ... هامسهران نهسهب
مهحبووبیم ههن شای عالینهسهب
ئیسمش موحهممهد، قورهیشی و عهرهب
ئهداش ئامینه کناچهی وهههب
تهمامی عومرش شهصت و سی سالهن
باب و با پیرش بهی طهرز و حالهن
عهبدوللا، عهبدولموططهلیب، هاشم
عهبدولمهنافهن، بزانهش لازم
نه کوتا و نه بهرز، سپی و گهندم گوون
نهکهوتن سایهش نه رووی دنیای دوون
به وهلهد بییهن جه مهککهی ئهنوهر
چل سال چاگه مهند بی پی به پیغهمبهر
وه سیزدهی ههنی ئهو خور جهمینه
راهی بی، کوچ کهرد شی وه مهدینه
چوگه موقیم بی تا موددهی ده سال
مهرگش پهی ئاما جهلای بی زهوال
بهرشی جه دنیای فانیی بیبنیاد
ئهبله هر کهسیوهن دل پیش کهرو شاد
صهدو بیست و چار ههزار پیغهمبهر
سیصهد و سیزده رهسول رههبهر
ئیبراهیم و نووح، مووسی ئولوولعهزم
عیسی و موحهممهد بزانهش وه جهزم
سهییدولکهونهین، خهتمولمورسهلین
جه ماسیوای حهق بیتهر جه گردین
دیدگاهها (0)
هنوز دیدگاهی برای این شعر ثبت نشده است. شما اولین نفر باشید!
برای ثبت دیدگاه و شرکت در بحثها، لطفاً وارد حساب کاربری خود شوید.
نیاز به حساب کاربری
برای ذخیره اشعار در گنجینه شخصی خود، لطفاً وارد حساب شوید.