103
اوزانلار سـازی
اوزانلار سـازی
سورموشم عمرومون اوزون ایللرین
دادمیشام ائللرین شیرین دیللرین
یوخلامیشام اورَکده نیسگیللرین
درمانی گؤرموشم، اوزان سازی دیر
ائل قیزینین کؤنول سورن نازی دیر.
ساز دارایار قلم کیمی سؤز تئلین
هئی آرایار شیرین دیلین، تورک ائلین
جان گؤلونه آچار محبّت سئلین
موسیقینین، بیزیم ساز آرازی دیر
هرکؤنوله سئوینجین آغازی دیر.
« اِلیـار»ی دیندیرر موغام نغمهسی
سئوگیسین آرتیرار اوزانلار سسی
حیرته باغلایار بوتون هرکسی
ساز گؤیونون کؤنول، اوچار قازی دیر
قیش دا سئوینج ایله، کؤنول یازی دیر.
.
دیدگاهها (0)
هنوز دیدگاهی برای این شعر ثبت نشده است. شما اولین نفر باشید!
برای ثبت دیدگاه و شرکت در بحثها، لطفاً وارد حساب کاربری خود شوید.
نیاز به حساب کاربری
برای ذخیره اشعار در گنجینه شخصی خود، لطفاً وارد حساب شوید.