بیر ده گَـل!

یئنی‌دن بیر ده گلیب، کؤنلومه ناز ائیله گؤزل! یئلی مضراب ائله‌ییب، ساچلاری ساز ائیله گؤزل! چیخیش ائت عالمه سن گؤستر او عشقین گونشین گئجه‌نی گوندوز ائدیب، ظلمتی آز ائیله گؤزل! عشق ملکونده گَل اول سن داها محمود بیزه منی ده قوللوق اوچون، اوردا اَیاز ائیله گؤزل! چیخیم عشقین داغینا قوی او خلیل اوغلونا تای منه جان وئرمه‌یی سن، اوردا مجاز ائیله گؤزل! منده قامت بوکولوبدور غم اوزوندن نه یاپیم بو بوکولموش بویو گَل بیر ده تاراز ائیله گؤزل! گَل غمین بوغچاسین آل بوغ، آرادان قالدیر اونو دوغرو بیر شادلیق اوچون، عشقی جواز ائیله گؤزل! « اِلیـار»ین گَل اوزونه دوغرو سئوینجین سویون آچ گؤز یاشیندان یاناغین اوستون آراز ائیله گؤزل! .