حیات گمیسی

کیم دیر جهاندا کی، هئچ اولماسین غمی کیم دیر حیاتی اولان، سینمایان گمی؟ غم قان سوراندی، سورار هرکسین قانین توی، بایرامین دا ائدر قونشو، ماتمی. عشقین غمینده حیاتین صفاسی وار دنیا غمین یئمک اَکسیلدر آدمی. بیر سفره دیر بو حیات اوزان اَللره بیر نازلی سئوگیلی دیر، عشق حاتمی. آی عشق! گَل یئله بنزر یاییل یئره بیرگولشن ائیله بو دنیاده اؤلکه‌می! دنیانین آستاری چیرکین دیر آی کؤنول! آلداتماسین سنی چوخ گؤزله گؤرکمی! شیطان توروندا تاپیلمازکی، موتلولوق هر یئرده موتلولوغون عشق دیر چَمی. دنیایه ساتما بو دنیاده فرصتی دنیانی آخرته ائیله بیر زمی. شکر ائیله، لطف دور « اِلیـار»! بو ربّ‌دن اویغون دوشوبدو سنه عشقین اَردمی. .