بـلا گتیـر

عشقینده گَل باشیما مین بـلا گتیـر مندن آپار بو جانی مبتـلا گتیـر. مست اولمایان باشین اولماز تحمّلو بایغین سال اؤنجه، دالینجا بـلا گتیـر. گَل غفلتین جامین آل بوردا چال داشا اویموش قولاقلارا کسکین صـلا گتیـر. سنسیز توتوب جانیمی غملرین پاسی گَل جلوه‌لَن، جانیما بیر جـلا گتیـر. کؤنلوم سئویر جانی قربان ائدم سنه لطف ائیله قارشیما بیر کربـلا گتیـر آیریلما یاردان آی « اِلیـار»، آییق دولان شیطان چاغیرسا سنی، سن ده لا گتیـر. .