25
معلّم
معلّم
معلّم خلقه بیر جان دیر
معلّم دوغرو انسان دیر.
قارانلیقلاردا بیر مشعل
چتین یوللاردا ایمان دیر.
نفس دیر سانکی انسانه
دامارلاردا آخان قان دیر.
معلّم خلقه بیر اؤرنَک
معلّم علمه میزان دیر.
جهالت هاردا بویلانسا
معلّم اوردا توفان دیر.
ساییلسا اؤلکه بیرگولشن
بو انسان اوردا ریحان دیر.
یانار بیر شمعی هر جمعین
ساواش وقتینده آسلان دیر.
یازیق اَلدن، توتان اَل دیر
کؤنول ملکونده سلطان دیر.
قیلینجین ظلم قالدیرسا
اونون قارشیندا قالخان دیر.
آی « اِلیـار» بیل کی، سون اوجدا
معلّم عشقه قربان دیر!
.
دیدگاهها (0)
هنوز دیدگاهی برای این شعر ثبت نشده است. شما اولین نفر باشید!
برای ثبت دیدگاه و شرکت در بحثها، لطفاً وارد حساب کاربری خود شوید.
نیاز به حساب کاربری
برای ذخیره اشعار در گنجینه شخصی خود، لطفاً وارد حساب شوید.